«AQTÓBE» хоккей клубы
Құрылған жылы – 2019
Жастар командасы құрылғаннан кейін бір жылдан соң ересектер командасын құру туралы шешім қабылданды.
Жетістіктер:
- 2021-2022 маусымдағы Қазақстан Кубогының финалисті
Алғашқы маусымында команда плей-оффқа жолдама алып, Қазақстан Республикасының 2019-2020 маусымының Ашық чемпионатының қорытындысы бойынша 8-ші орынды иеленді.
Келесі маусымда (2020-2021) «ақ-қызылдар» тұрақты чемпионаттың қорытындысы бойынша 9-шы орынды иеленіп, плей-оффқа жолдама ала алмады.
- 2021-2022 маусымында «AQTÓBE» тұрақты чемпионатта 6-шы орынды иеленді. Ал ширек финалда ақтөбеліктер атыраулық «Бейбарыстан» жеңіліп қалды.
Сол маусымда ақтөбеліктер Қазақстан Кубогының финалына шығып, қарағандылық «Сарыарқа» командасына жол берді.
- 2022-2023 маусымында «AQTÓBE» тағы да тұрақты чемпионатта 6-шы орынды иеленді. Ал ширек финалда ақтөбеліктер тағы да сол атыраулық «Бейбарыстан» жеңіліп қалды.
- 2023-2024 маусымында «AQTÓBE» тұрақты чемпионатта 5-орынды иеленді. Ал плей-оффта команда жартылай финалға шықты. Үшінші орын үшін өткен кездесуде ақтөбеліктер қарағандылық «Сарыарқа» командасына жеңіліп қалды.
Сол маусымда команда Қазақстан Кубогының жартылай финалына шығып, көкшетаулық «Арланнан» жеңіліп қалды.
- 2024-2025 маусымында команда тұрақты кезеңде 7-ші орынды иеленді. Плей-офф сериясының ширек финалында Өскеменнің «Торпедосынан» жеңілді.
- 2025-2026 маусымында «AQTÓBE», өкінішке қарай, тұрақты чемпионатта 9-шы орынды иеленді және плей-оффқа шыға алмады.